|
Comente si podet cumproare dae s'asentu internu de sa iddha, innantis Cúglieri fuit unu autorévole tzentru cumertziale e istitutzionale, síat suta su puntu 'e vista aministrativu e síat religiosu, e duncas cun una economía forte e in créskida e unu númeru altu de cresias. Dae sa fortza de sa Cresia comente institutzione e dae su númeru de sas cresias nasket sa pluralidade ei sa variedade de sas Cunfradías. Ai custas, difatis, fuit asotziada cuasi totu sa populatzione mascrina.
Su cantu sacru rapresentat sa polifonía litúrgica esecutada in sas ricurrentzias religiosas prus solennes -e in particulare in sas funtziones de Kida Santa- dae sos cantores de sos coros ki tandho aparteníant a sas Cunfradías laicales (su Rosariu, Santa Rughe, Cuvventu o sa María 'e sos Dolores, su Carmine, santu Juanne, sa Misericordia) e ki ant transmitidu custu maravizosu repertoriu musicale in sas generatziones.
Sos cantos litúrgicos e de sas portissiones sunt Miserere e Stabat Mater propios de sos ritos de Kida Santa, sa funtzione in sardu de sa Treighina de sant'Antoni de Padua, su Te Deum, sas Litanías Carmelitanas. |
.jpg)