SOS CANTORES CUGLIERI coro a Cuncordu
SOS CANTORES CUGLIERIcoro a Cuncordu

Testi dei Canti profani

Ottava trista

Cantas tristas memorias m'ischidas
in s'attonita mente, o Addemala!

Ammentos chi m'inasprin sas feridas
Mi pioen inoghe da' ogni ala...

Ahi, sicca sas arvures fozidas,
Borta in luttu sa 'irde tua gala!

Nessi cantu dur'eo luttu porta...
Ohimè sa padrona tua est morta! 

 .............

Sa murinedda

Sa murinedda mia cando andat a sa festa  
Finzas su pilinzone dae attere s'imprestat.
E puci, in ora bona, e itte fantasia.
E chie l'a' bia sa murinedda mia.

 Sa murinedda mia cando andat a sa festa
finzas su corittu dae attere s'imprestat.
E puci, in ora bona, e itte fantasia.
E chie l'a' bia sa murinedda mia.

Sa murinedda mia cando andat a sa festa
finzas sos orecchinos dae attere s'imprestat.
E puci, in ora bona, e itte fantasia.
E chie l'a' bia sa murinedda mia.

............

Sa cumpagna de sa vida

Sa cumpagna de sa vida
preziada pius de s'oro
ma pius bella est sa chi adoro 
de sa campagna fiorida. 

...........

S'anzonedda

S'anzonedda chi est minore
disizzesi a pasculare

Sa mama lassat andare 
 pascher' erbas e fiores.

Alvures chi mi mirades
proite dolu non tenides?

Fiores chi in pratos naschides 
proite non bond' apenades?

...........
Sas filonzanas

Povere filugnane 
semu giunti in bisogni,
in cerca di filogni
a chi ce ne po dare.

   ............    
Sa burrasca (Oghe longa)

Sa burrasca sa nae mi hat perdidu
ch' aia tantos annos in su mare.

Appuntu cando fia pro imbarcare
sas deliscias mias pius seguras

sas aeras si mustran pius oscuras 
cun turbine e tumultu violentu: 

tott'ind'una si pesat unu 'entu
e che la ponet in atteru lidu.

Comente faghet sa pitzinna 
sola sola chenza me?

...........

Sa macumeresa

Silenziosa e solitaria

candida che pallida luna

.............

Sa padrina

          Siade nostros avocados           
Santos Padres lazarones.

      Sos chi andades fraga fraga      
che battu in copeltura.

Chi zughides sa natura  
accutta comente draga  

in chilca de fagher piaga  
sutta de sos pilinzones.

   Siade nostros...

Cando in Tatari impringesit 
un'illustre cunvittora 

           non tardesit mancu un'ora           
chi a Cuglieri bos fuesit, 

e inie bos ciappesi 
rattendebos sos buttones.

   Siade nostros...  

E bois padre Mette,
sezis forte de ischina,

e in s'arte 'e sa femína
sezzis picc'a pedrèri

e in s'art 'e su cossèri
faghides meraculones.

Siade nostros...

E bios padre Frantziscu
d'etzellente calveddera,

zughides sa 'uttonera
manna che trau muriscu,

la 'ogades a su friscu
in sas caldas tentasiones

Siade nostros..

.............

S'ísula 'e sa fortuna (Cantu e Flora)

Ite pensamos fagher Flora amada 
in custa terra ingrata e traitora? 

Non bides cantos viles a un'ora 
chircan s'amore nostru 'e avvelenare? 
Flora mia, ponzemus pe' in mare, 
andemus asa terra fortunada! 

Ispettende nos est de sa fortuna 
s'isula fortunada veramente  
Ue in festa continua sa zente 
vivet chenza molestia peruna. 

Ne b'incontran sos rajos de sa luna
luttuosas iscenas de piantu: 
Inie est totu incantu e de s'incantu, 
non si poden sos coros saziare.           

Flora mia, ponzemus pe' in mare!

............

Su ballu

Duru duru duru duru
duru duru duruseddu,
mortu m'an-a s'aineddu
in su traínu 'e Funtana,
inghiriadu mi l'ana
battor omines de pé!

Duru duru duru duru

duru duru duruseddu,
mortu m'an-a s'aineddu
in su traínu 'e Funtana,
inghiriadu mi l'ana
battor omines de pé!

Cumandados da su Re
pro che lu leare a Bosa
pro ischire cudda cosa
no nd'abbastat mente mia!

Unu giardinu 'e olia
b'ad'in s'adde 'e Filumena
pro li narrer sa Novena
e su Rosariu cantau.

Duru duru duru duru
duru duru durusía,
sas campanas de cresia
las toccan a su manzanu.

Fiore cuglieridanu
e sa mela tataresa
cando su coro mi pesat
no lu 'ido e no lu tocco,

cariasa e barracocco
pruna b'at in binza mia,
unu giardinu 'e olia
b'ad'in s'adde 'e Filumena
pro li narrer sa Novena
e su Rosariu cantau.

Corigheddu e corigheddu
corigheddu e corigheddu
corigheddu e coro amadu.

Unu giardinu 'e olia
b'ad'in s'adde 'e Filumena
pro li narrer sa Novena
e su Rosariu cantau.

Corigheddu e corigheddu
corigheddu e coro amadu
chi ti isetto dogni díe
cando as'a leare a mie
leamiche a domo tua,
cando as'a bider sa úa
fiorinde in mese 'e 'ennarzu
cando as a bider porcarzu
faghinde casu porchinu,

tando as a bider caminu
in sos mares de Casteddu
tando as a leare aneddu
po isposare cun mé!

Tando as a bider su Re
calande in Monteleone,
tando as a bider anzone
faeddande italianu!

Tando su puzone 'e 'eranu
chi a nde essire cunsizeri
tando sa mela piberi
in pruna si reboltare!

Tando as a bider su mare
tottu a giardinos de rosa,
tando as a bider a Bosa
dae s'assetu tramudada!

Corigheddu e corigheddu,
corigheddu e coro amadu,
corigheddu e corigheddu....

 

BENVENUTI NEL SITO WEB DE "SOS CANTORES DE CUGLIERI" - BEN'ENNIDOS - WELCOME - WILLKOMMEN - BIEVENIDOS - BIENVENUE

Stampa Stampa | Mappa del sito
© mc87 Cuglieri 2017